Lewende Woord Geaffilieerde Gemeentes is `n platform wat geskep is vir gemeentes en bedieninge wat in broederskap met Lewende Woord wil affilieer. Die affiliasie word na 'n tydperk van ses maande amptelik gemaak deur `n sertifikaat wat deur Lewende Woord aan die betrokke gemeentes of bedieninge uitgereik word.
Beginsels van broederskap: Daar word van applikante verwag om die volgende beginsels van broederskap te onderskryf en na te kom:

• Gemeentes bly totaal outonoom funksioneer wat die volgende sake betref:

• Finansies
• Bestuur
• Besluite
• Keuse van leierskap
• Gemeentefunksies
• Aanspreeklikheid vir enige regsgevolge

• Die geaffilieerde gemeentes kan via Lewende Woord Brummeria by Binnelandse Sake vir 'n huweliksbevestigingslisensie aansoek doen.

• Die leraars van buitebedieninge sal poog om die byeenkoms van buitebedieninge te Lewende Woord ten minste een maal per kwartaal by te woon.

• Buitebedieninge is welkom om met Lewende Woord te skakel vir:

• Hulp in besluite
• Inspraak in probleemgevalle
• Neem van dienste deur Lewende Woord-leraars
• Persoonlike probleme

• Buitebedieninge sal altyd Lewende Woord se hartklop en leerstelling met standpunte, prediking en optrede in ag neem, sodat Lewende Woord en die Koninkryk nie skade berokken word nie.

• Buitebedieninge sal onder geen omstandighede ander gemeentes, denominasies en/of leraars afbreek en/of aanval nie.

• Buitebedieninge sal altyd na ander leraars, gemeentes en denominasies uitreik vir eenheid en samewerking tot bevordering van die Koninkryk in die betrokke dorp/stad.